Letras primeiras. O foral de Caldelas, a emerxencia da escrita en galego e os primordios da lírica trobadoresca
Autor Monteagudo, Henrique
Título Letras primeiras. O foral de Caldelas, a emerxencia da escrita en galego e os primordios da lírica trobadoresca
Ciudad A Coruña
Editorial Fundación Pedro Barrié de la Maza
Año 2008
Páginas 539
Colección Biblioteca Filolóxica Galega
Resumen
A edición e o estudo do Foral de Caldelas serven de punto de partida para un achegamento ás primeiras fases de desenvolvemento do galego como lingua escrita, durante a primeira metade do século XIII. Analízanse, daquela, os usos escriturarios no Occidente da Península Ibérica, a produción de documentos forais nas chancelerías rexias de Afonso IX ata Afonso X e o uso progresivo que nelas se fai do romance. Segue o estudo particular do Foral de Caldelas, que atende a cuestións lingüísticas e diplomáticas, así como ás relacións que mantén con documentos semellantes das bisbarras ourensás de Allariz, Ribadavia e Caldelas. O documento en cuestión destaca pola presenza nel de personaxes ligados ao inicio do trobadorismo galegoportugués, como Fernan Paez de Tallamancos, Rodrigo Paez de Candre (pai de Rodriguez de Canderey), Osoyr'Anes, quizais Pero Viviaez, membros da familia de Fernan Eanes (que se relacionan con Pero Paez Bazaco) ou mesmo de Rodrigo Gómez de Trastámara. Todo isto permite un achegamento á primeira fase de desenvolvemento desta tradición poética arredor da rexión do Miño e das liñaxes dos Trastámara, Limia, Airas, Rodeiro ou os Sousa. A parte final do traballo presenta a edición do texto e diversos recursos de apoio (glosarios, mapas, apéndices documentais)
