«La Crónica de D. Fernando de Fernão Lopes: una perspectiva hispánica»
Autor Fernández Gallardo, Luis
Título La Crónica de D. Fernando de Fernão Lopes: una perspectiva hispánica
Otros autores A. Martínez Pérez - A. L. Baquero Escudero
Título revista/libro Estudios de literatura medieval. 25 años de la Asociación Hispánica de Literatura Medieval
Ciudad Murcia
Editorial Universidad de Murcia. Servicio de Publicaciones
Año 2012
Páginas 379-388
Resumen
Na Crónica de D. Fernando de Fernão Lopes conflúen tendencias compositivas contrapostas. Por unha banda, mostra unha gran débeda coa Crónica del rey don Pedro de Pero López de Ayala, da que incorpora para o seu relato capítulos íntegros. Pero, por outra, presenta trazos de grande orixinalidade -por exemplo, ao tratar o motivo do retrato rexio-, que van acompañados dunha acentuada conciencia de autoría. Este equilibrio de tendencias contrarias reaparece cando se considera o enfoque identitario que transmite a Crónica. En efecto, a pesar de que debería centrarse nos feitos acaecidos en Portugal durante o reinado de D. Fernando I, a obra inclúe algún longo excurso -que abrangue un período de tres anos- con sucesos ocorridos en Castela. Máis alá das estreitas relacións entre este reino e o portugués ou da posibilidade de que Fernão Lopes non dispuxese de datos referidos a Portugal para cubrir esa paréntese, a devandita inclusión apunta cara á concepción de España como espazo común -xeográfico, pero tamén político, en tanto que dinástico- do que formarían parte ambos os dous reinos. Pero isto non obsta para que Fernão Lopes profundice na creación dunha conciencia identitaria portuguesa. Esta constrúese a partir da idea de pobo, considerado como o conxunto dos habitantes dun reino, por enriba das diferenzas estamentais
