«Rui Vasques e a Crónica de Iria»
Autor Souto Cabo, José António
Título Rui Vasques e a Crónica de Iria
Título revista/libro Verba. Anuario Galego de Filoloxía
Año 2014
Volumen 41
Páginas 303-335
Resumen
O autor rebate a existencia dunha versión da Crónica de Iria redactada en 1444, que estaría representada polo manuscrito depositado na Biblioteca Vaticana e que, por tanto sería anterior ao exemplar que se atopa no Arquivo da Catedral de Santiago de Compostela. Este último, composto entre 1468 e 1469, está atribuído a Rui Vasques e, contra o que sostiveron algúns estudosos ao longo da segunda metade do século XX, debe considerarse a versión orixinal e mesmo autógrafa do propio Rui Vasques. Para iso, o presente traballo establece unha análise comparada de diversas pasaxes da Crónica coas contidas noutros textos historiográficos ou recompilacións documentais. Por exemplo co Privilexio de Xelmírez, que se inclúe no Tombo de Iria, ou a Historia Compostelana. Isto permite dilucidar a influencia do Privilexio sobre a Crónica, no que se refire á construción de Santa María de Iria por parte de Cresconio e os beneficios que lle foron outorgados por Xelmírez. Ou, tamén se confronta, para o que se refire aos episodios da revolta irmandiña, coa moi serodia Historia de Iria. Un apéndice documental transcribe documentos do Tombo de Iria e do Tombo dos Cregos de Coro, así como pasaxes comparadas da Historia Compostelana, a Crónica de Iria e a Historia de Iria
